Новото дигитално 3-Д кино во Битола од денес почнува со работа

Со проекција на филмовите „Штрумофови-2“ во 17 часот и „Гравитација“ во 20 часот, денеска националната установа Центар за култура во Битола ќе го промовира и отвори првото дигитално 3-Д кино во овој град.

Како што истакна Борче Димитровски, директор на НУ Центар за култура-Битола, почетокот на редовниот репертоар ќе се одвива под мотото „Се гледаме на кино“ кое е опремено со ултра модерен дигитален 3-Д кино проектор од водечкиот светски производител на дигитални проектори „Барко“ со можност за проекции во висока 2К резолуција.

– На репертоарот ќе има филмови за сите генерации, за децата, тинјџерите и за возрасните. Првите изненадувања ќе бидат приредени денес бидејќи го ребрендиравме фоајето на центарот за култура, посетителите ќе може да купат пуканки и да се фотографираат со кукли на јунаците од понудените филмови, а за првите гости ќе има и други изненадувања, посочи Димитровски.

Новото кино е со капацитет од 800 седишта кои за 3-Д филмовите ќе бидат ограничени на 400 седишта. Постоечкото кино платно е заменето со ново високо рефлективно, а за новиот сараунд звук инсталиран е Долби систем ЦП-650.

– Со овој зафат градот добива современо кино со кристално чиста слика и перфектен звук. Кино репертоарот ќе се одвива во текот на целата година и притоа ќе бидат емитувани светски кино-хитови меѓу кои на 21 ноември, премиерно во Македонија ќе биде емитуван филмот „Советникот“ кој директно доаѓа од Холивуд. За потребите на кино-публиката во Битола ќе соработуваме со кино-дистрибутерите „Филипс филмс“, „Континентал филмс“, „МЦФ мегаком филмс“ и други постојани соработници, потврди Димитровски.

http://www.kurir.mk/republika/opstini/134698-Novoto-digitalno-3-D-kino-vo-Bitola-od-denes-pocnuva-so-rabota

Поврзани објави

ВСЕЛЕНСКОТО МОМЧЕ

ВСЕЛЕНСКОТО МОМЧЕ

SPACE BOY Џим е надарено 11-годишно момче со пасија за вселената и науката. Доселувајќи се во нов град со татко му, Џим треба да учествува на натпревар за млади научници со неговата нова соученичка Ема. И покрај нејзината неподготвеност, Џим ја убедува да го имитира проектот „Екселсиор“ на...

БИБИ И БОБИ ВО СНЕШКОВГРАД

БИБИ И БОБИ ВО СНЕШКОВГРАД

Каква новогодишна авантура! Неверојатна, возбудлива и како и секогаш - непредвидлива! Биби и Боби патуваат со снешкото Гого кон Снешковград за таму да ја пречекаат Новата година. Но, Снешковград е пуст и тивок. Каде се сите снешковци? Зошто никој не ја прославува Новата година? Гледајте ја оваа...

МАЧОРОТ ВО ЧИЗМИ: ПОСЛЕДНА ЖЕЛБА

МАЧОРОТ ВО ЧИЗМИ: ПОСЛЕДНА ЖЕЛБА

Puss in Boots: The Last Wish Мачорот во чизми открива дека неговата желба за авантура има последици - потрошил 8 од неговите 9 животи. Мачорот оди на патување да ја најде митската последна желба и да си ги врати своите 9 животи назад. Жанр: Анимиран / цртан, Комедија, Авантура Траење на...