Lux Films Days -Господ постои, името ѝ е Петрунија

Од 6 до 8 ноември, Европа ќе живее во знакот на LUX films days.

Киното на Центар за култура Битола е единственото кино во нашата држава кое ќе се вклучи во симултаните филмски проекции кои ќе се случат од 6 до 8 ноември во 25 избрани кина од 20 европски земји.
Она што особено не прави среќни е фактот што во трите филмови финалисти за оваа награда е и македонскиот филм „Господ постои, името ѝ е Петрунија“ на Теона Митевска.
Овој проект е познат ширум Европа по пан-европски симултани проекции на филмовите кои се во трка за наградата LUX FILM PRIZE за најдобар европски филм, во различни градови и држави, во идентичен тајминг.
Киното при НУ Центар за култура Битола е селектирано, заедно со 25 други кина од над илјада европски кина, што ни претставува огромна радост.

На 6 ноември во 20 часот дојдете на бесплатна кино проекција на која ќе биде прикажан нашиот македонски филм-кандидат за наградата, а по проекцијата во живо од Лондон на големото платно во Центарот за култура ќе ја следите сесијата со прашања и одговори организирана во рамките на овој значаен настан посветен на оваа престижна филмска манифестација во Европа.

За наградата:

Наградата LUX од 2007 година ја доделува Европскиот парламент за достигнувања во кинематографијата.

Наградата го насочува вниманието кон јавната дебата во Европската Унија и нејзините политики, и дава потпора за ширење на европските копродукции. Деновите на LUX филмовите се организираат во текот на есента во повеќе од 40 градови во Европската Унија и се видлив израз на ангажманите на Европскиот парламент во подрачјето на филмот и културата. Филмовите кои се во финалниот избор се прикажуваат во 28 држави на ЕУ.

За нашиот кандидат:

Филмот Господ постои, името ѝ е Петрунија, е во режија на Теона Стругар Митевска, а улогите ги толкуваат Зорица Нушева, Лабина Митевска, Петар Мирчевски, Виолета Шапковска, Симеон Мони Дамевски, Суад Беговски, Илија Волчески, Стефан Вујисиќ, Андријана Колевска,Владимир Тулиев.

Во Штип, секој јануари, локалниот свештеник фрла дрвен крст во реката и стотина мажи се нурнуваат по него. Добра среќа и просперитет се загарантирани за оној кој ќе го фати. Овој пат, Петрунија скока по крстот и успева да го дофати крстот пред другите. Останатите натпреварувачи се бесни, како се осмелува една жена да учествува во нивниот ритуал? Се превртуваат небо и земја, но Петруија цврсто стои на земја – таа го фати крстот и нема да го предаде.

Филмот е добитник на бројни награди и се прикажува на престижни фестивали и во редовни кино проекции низ светот.

Поврзани објави

ЕНТМЕН И ОСАТА: КВАНТОМАНИЈА 3D

ЕНТМЕН И ОСАТА: КВАНТОМАНИЈА 3D

Ant-Man and the Wasp: Quantumania Скот Ланг и Хоуп Ван Дајн, заедно со Хенк Пим и Џенет Ван Дајн, го истражуваат Квантниот реалм, каде се среќаваат со чудни суштества и тргнуваат на авантура која оди надвор од границите на тоа што мислеле дека е можно. Жанр:  Акција, Авантура...

ТИТАНИК(РЕИЗДАНИЕ) 3D

ТИТАНИК(РЕИЗДАНИЕ) 3D

Titanic По повод 25-годишнината од премиерата на филмот, Титаник се враќа повторно на кино платната од 9 февруари - во ремастерирана верзија. 17- годишна аристократка се заљубува во сиромашно момче со ликовен талент, додека пловат на луксузниот брод Титаник. Жанр:  Драма, Романтичен /...

МАГИЧНИОТ МАЈК: ПОСЛЕДЕН ТАНЦ

МАГИЧНИОТ МАЈК: ПОСЛЕДЕН ТАНЦ

Magic Mike's Last Dance По долг хијатус, магичниот Мајк повторно се враќа на сцената, откако една бизнис зделка пропаднала и морал да работи како бармен во Флорида. Мајк оди во Лондон за еден последен пат со богатата жена Мександра Мендоза која го привлекува со понуда која не може да ја...