Рене Бенет добро знае како е кога си просечен во светот во кој владеат тие со совршен изглед и совршена генетика. После пад од велосипед во теретана и повреда на главата, Рене верува дека одеднаш станала неодолива. Благодарение на сигурноста во себе која до сега ја немала, почнува да реди и професионални успеси во козметичката компанија за која работи, а нејзината шефица, нејзин идол и пример, почнува многу да ја почитува. На самиот крај, Рене ќе сфати дека магијата престанала, но и дека вистинската убавина не е на површината на кожата, туку длабоко во човекот.